☆.:*´¨`*....තඹර පිපි දින....۶*´¨`*:.☆

අයාලේ ගිය බැවින්

මා මනැසි

පෙති විදා තඹර පිපි දින

නොදත්තෙමි ඒ වග

හිස් විය

මගේ මල් පැස

පසෙක විය ඒ මල

කිසිත් සැලකුම් නොලැබ

හැඟුණා පමණි ඉඳහිට

ශෝක සන්තාපයක්

මගේ සිහිනෙන්

තිගැස්සී අවදි වූ කල

දකුණු දිග සුලඟෙහි 

නුහුරු නුපුරුදු සුවඳක

දැනුණි මිහිරෙන් බිඳක්

ඒ සේයා මිහිර

පුරා ලී මහද පැතුමින් 

පිරිපුන් බව සොයන

සරත් සමයෙහි

නොඉවසිලිමත්

හුස්ම පොද බව

දැනුණි මට එය

ඒ මොහොතෙහි නොදත්තෙමි

එය ඒ තරමටම

මවෙත ලංවී ඇති බව

එය මගේ බව

ඒ ඉමිහිර

දුටුව පරිසමාප්තය

මහද ගැඹුරෙහි

විකසිතව ඇති බව........

කොහෙන් හෝ උපුටා ගැනීමක්.. මගේ පරණ දින පොතක ලියල තිබ්බේ....