කෝච්චියේ seat ලබා ගැනීමේ තියරිය...෴

මේක කරන්න නම් දෙන්නෙක් ඉන්න ඕනෑ...
හැබැයි එක්කෙනෙක් හරි ඉඳගෙන ඉන්නත් ඕනෑ.. යාලුවෝ වෙන්නම ඕනේ නෑ... පොඩි හැඳුනුම්කමක් තිබ්බම හොඳටෝම ඇති....
ආයේ ඉතින් තක්කෙටම හරි යනවා...
කරන්න තියෙන්නේ මෙච්චරයි.......

යන්න ඉඳගෙන ඉන්න යාලුවෙක් ගාවට....
පොඩ්ඩක් හිටගෙන ඉන්න...
(කියන්න බැරි වුනා.. යාලුවත් මේ තියරිය දැනගෙන ඉන්න ඕනෑ..)

යාළුවා ටිකකින් මෙහෙම කියනවා..
  " මචන් වරෙන් seat එකට..." පොර නැගිටින්නයි හදන්නේ...

" නෑ නෑ මචෝ අවුලක් නෑ ඔහොම යමු ඊළඟ ස්ටේෂන් එකේ කට්ටිය බහියිනේ..."

තව ටික දුරක් ඔහොම යනවා....
අයෙත් ඉඳගෙන ඉන්න පොර මෙහෙම කියනවා...

"වරෙන් වරෙන් බන් උඹ ලෙඩා දුකා නේ.. මෙන්න මෙහෙන් ඉඳගනින්..."

"පිස්සුද බන් ඕනේ නෑ මට වඩා උඹ ලෙඩා නේ.. ඔය කකුලත් අමාරු එකේ උඹ ඉඳගෙන යමන්... සෙනඟ බහිනවනේ මගදී..."

අයෙත් පොඩි දුරක් යනවා...

ඉඳගෙන ඉන්න පොර අයෙත් පාරක්...

"වරෙන් වරෙන් බන් උඹ හිටගෙන යද්දී මම කොහොමද බන් ඉඳගෙන යන්නේ..."

"ඕනේ නෑ මචෝ... යමූ යමූ තව පොඩ්ඩක්..."

හම්මේ ඉතින් ඕවා අහගෙන හිතක් පපුවක් තියන මනුස්සයෙක් කොහොමද ඉඳගෙන යන්නේ මේ අසරණය දැක්කම.. අනේ ඉතින් අපේ හිත උණුවෙන නෝනා මහත්තයෙක් seat එකක් දෙනවා... කිලෝමීටර් 10ක් යන්න ඕනේ නෑ වැඩේ සෙට්!

"එන්න ඉඳගන්න මෙහෙන්..."

දැන් ඔය  ඉඳගෙන යන්නේ ආතල් එකේ ගොරව ගොරව නිදාගෙන... බැහැල යන්නේ අර යාලුවට යනවා කියන්නෙත් නැතුව!!!!

අවවාදයයි: දෙතුන් වතාවකට වඩා එක පෙට්ටියේ මේ ආකාරයට ගමන් කිරීමෙන් වලකින්න.

(සත්‍ය සිද්ධියක් ඇසුරිනි. මේ සිද්ධි වලට අදාළ පුද්ගලයන් දෙදෙනා සත්‍ය ලෙසින් කිසිම ආකාරයේ රෝගාබාධයකින් පෙලෙන්නන් නොවන බව කරුණාවෙන් සලකන්න)